الرئيسية » أراء حرة »  هاجر سلامة تكتب : حدث بالفعل ……

 هاجر سلامة تكتب : حدث بالفعل ……

 هاجر سلامة تكتب : حدث بالفعل ……
وانا في المغرب ..نزلنا ساحة الفناء ودي عبارة عن ميدان كبير جدا ،، ميدان يرجعك ل ١٠٠ سنة ورا ويطلع بيك ١٠٠ سنه قدام حاجة كدا تبهرك بشكل غير عادي .. وتحطك في شوية احاسيس مختلفة ناس لابسة عمم وجلابيب شمس الصحراء على بشرتهم بيلعبوا الكوبرا والتعابين زي ما كنا بنشوف في أفلام زمان ، ناس بترقص القرد وناس بتلعب ب٣ ورقات .. والعاب قديمة وحركات سحر خفيفة ومذهلة ، ناس كتير من جنوب أفريقيا هربانين من الموت ليحيوا حياة موت .. ستات كتير بتبيع كل حاجة .. اجانب كتير من جنسيات مختلفة لابسين احدث الازياء .. في وسط كل دا جذبتني سيدة خمسنية بترسم حنة ورغم أن كان في ستات كتير وكلهم عرضوا عليا يرسمولي لا انها الوحيدة اللي لفتت نظري وكلامها الحلو ثبتني بصراحة .. المهم اختارت الرسمة وقررت ارسم على رجلي وكنت وقتها لابسة فستان .. المهم قعدت وبدات ترسم رسمه غير اللي اختارتها بس كانت رسمة احلى من اللي اختارتها وهي بترسم كانت بتقول على رجلي حلوة وشوية كلام كدا معناه انها معجبة قوي برجلي عشان كدا رسمت الرسمة دي وهي عبارة عن غصن شجر ملفوف على رجلي وقالت عشان رجلي ملفوفة ..طبعا كنت بفهم كلامها بصعوبة … المهم خلصت ومشيت وكملنا يومنا عادي كنا كتير بس كان كل حد مشغول بحاجته في اللحظة دي زميل بس اللي قرر يستناني ويقف معايا لحد ما اخلص رسم الحنة .. وروحت و اتعشيت وشيلت الحنة وخدت شاور ونمت .. صحيت من النوم لاقيت رجلي كلها متخربشة .. اة كأن حد بضوافره خربش رجلي كلها، انزعجت جدا وحسيت بخوف وقعدت اشوف باقي جسمي لاقيت رجلي بس هي اللي كدا .. وبعدين جاني تليفون من زميلي بيطلب اني بلاش البس فستان وان الجينز فيا احسن .. اضايقت اوي من طلبه احنا مش اصحاب عشان خاطر يطلب مني حاجة زي كدا وكنت مش مركزة في رد فعلي بسبب الصدمة اللي انا فيها لحد ما كمل كلامه وقال انه كان مستغرب الست بتاعت الحنة امبارح وانه كان بيحاول يرقابها بس خايف مني اقول عليه بيبص على رجلي .. وان الست كانت مش طبيعية او كانت على حد قوله غريبة لا اقدر اطمن لها ولا قادر انزعج منها انسانة غير واضحة .. المهم حكيت له اللي حصل وان رجلي متخربشة ومش عارفة من اية قال يمكن تكوني امبارح خبطي في اي حاجة ومش حساتي خاصة اننا مشينا كتير ، قولت له انا واخدة دش قبل ما انام ومش اي دش انا مليت البانيو وحطيت كل الشاور لازم استغل الفندق بقى و مكنش في اي حاجة.. ضحك وقالي تمام يلا اتعملك سحر مغربي .. ضحكنا . وكملت ايامي عادي في المغرب والوضع كان امان جدا ومفيش اي حاجة حصلت بعد كدا ..
بس لحد دلوقتي معنديش تفسير للي حصل دا ..

عن zema

شاهد أيضاً

احمد منصور يكتب. ..استغل حسن البنا الشباب؟

احمد منصور يكتب. ..استغل حسن البنا الشباب؟ تعتمد كلّ أمة في نهضتها على طاقة الشباب ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *